Ka lympung ïalehkai phutbol kaba la tip kum ka “3rd Sniawbhalang Football Tournament 2023” kaba la long hynnin ka sngi 15 tarik u Nohprah ha madan Wahiajer Stadium Wahiajer, West Jaiñtia Hills District.
Haba phai sha ka jingïakhun ba nyngkong ka kynhun ïalehkai jong ka Nongsutnga kala lah ban pynliem da 3-1 kol ïa ka Maskut lyngba ka jingïashut Tie Breaker.
Katba haka jingïakhun kaba ar ka kynhun jong ka Mynsngat kala lah ban pynliem da 1-0 kol ïa ka Iongshiwiat, ïa katei ka shikol na ka Mynsngat la thep da u Egidius Satien haka minit ba 53.
La pyntip ba ka jingïakhun ha ka sngi 18 tarik kan long hapeng ka Kdiap pyrshah ïa ka Kdohkule ha ka por 12 baje mynsngi, katba ka Myngkrem pyrshah ïa ka Umladang ha ka por 2 baje nohphai sngi.