Ka One Soul utd (Pdengkarong) bad ka Rymbai Shkenshynriah sc kila khur jingjop haka jingialehkai 12th Secondary School Football Knock-out Tournament, kaba la pyniaid daka Dorbar Shnong Pdengshakap.
Kane kala wan hadien baka One Soul Utd (Pdengkarong) kala jop iaka Demthring sc da 2-0 kol, iaki arkol jong ka One soul utd (Pdengkarong) la ioh ban thep da u Marshial Nongrum haka minit kaba 42 bad u Mario Surong haka minit kaba 44.
Haka jingialehkai kaba ar pat ka Rymbai Shkenshynriah sc kala lah ban pynliem noh iaka Chirupdeilang Fc da 2-1 kol, iaki kol jong ka Rymbai Shkenshynriah sc la ioh ban thep da u Niwano Bareh haka minit kaba 11 bad u Sarious Bareh haka minit kaba 29. Katba iaka shikol jong ka Chirupdeilang Fc la ioh ban thep da u Saimi Dkhar haka minit kaba 9.
Yn bteng iaka jingialehkai haka 24 tarik mynta u bnai ha kaba ka Kur Suchen United Fc kan ialeh pyrshah iaka Kemidon Fc haka por 12 baje katba ka Sengkhihlang Fc pyrshah iaka Siangkhnai Fc haka por 2 baje nohphai sngi.
