Ka Pasyih Cultural Sports Club, Risingsun Mukhla bad Nonglatem kila long ki nongjop ha ka jingialehkai 3rd Division Football Tournament 2022 jong ka “2nd U Adelbert Laloo Memorial Trophy” ba pyniaid da ka West Jaiñtia District Sports Association (WJDSA) mynta ka sngi ha madan Kiang Nangbah Stadium Jowai.
Ha ka jingiakhun kaba nyngkong ka Pasyih Cultural Sports Club ka la pynliem ia ka Iooksi Youth Welfare da 3-1 kol. Ki nongthep kol jong ka Pasyih Cultural ki long u Shining Rymbai uba la ioh thep kol ha ka minit kaba 9, u Chaniah Dkhar ha ka minit kaba 21 bad u Phem Dkhar ha ka minit kaba 40. Katba u nongthep kol jong ka Iooksi YW u dei u Tympang Tangliang uba la ioh thep kol ha ka minit kaba 75.
Ha ka jingiakhun kaba ar ka Risingsun Mukhla ka la pynliem ia ka Mookynphad Mihmyntdu da 3-1 kol. Ki nongthep kol jong ka Risingsun Mukhla ki dei u Disfiveboy Nongrum ha ka minit kaba 23 bad u Rimi Pyrtuh uba la ioh ban thep ar kol ha ka minit kaba 11 bad 58. Katba u nongthep kol jong ka Mookynphad Mihmyntdu u dei u Arwan Rymbai uba la ioh thep kol ha ka minit kaba 61.
Ha ka jingiakhun kaba lai ka Nonglatem kala pynliem ia ka Mukhla Umlangshor da 1-0 kol, lyngba ka kol ba la ioh ban thep da u Tommy Lamare ha ka minit ka ba 69.