Ka Pateinki Sabah bad ka Mawsiang FC Nongkhroh kila long ki nongjop katba ka Saiñdur Mihmyntdu bad Khliehmuchut Shangpung kila poi sha ka jingiakhaid ha ka jingialehkai 3rd Division jong ka ‘2nd U Adelbert Laloo Memorial Trophy’ ba la pyniaid da ka West Jaiñtia District Sports Association (WJDSA) mynta ka sngi, ha Kiang Nangbha Stadium Jowai.
Ha ka jingiakhun ba nyngkong ka Pateinki Sabah kala pynliem ia ka Khliehmyntdu Neinchnong da 2-0 kol. Ia kitei ki kol la ioh ban theh da u Lakhon Dkhar ha ka minit ba 18 bad u Trei Shyllai ha ka minit ba 41.
Ka jingïakhun ba ar hapdeng ka Saiñdur Mihmyntdu pyrshah ïa ka Khliehmuchut Shangpung, ka jingïakhun kala kut da ka jingïakhait da mar 2-2 kol. Ia ki ar kol na ka Saiñdur Mihmyntdu la thep da u Damon Rymbai ha ka minit ba 74 bad u Azariah Lamare ha ka minit ba 76, katba na ka Khliehmuchut Shangpung la theh da u Arwan Phhadong ha ka minit ba 48 bad u Elizer Suiam ha ka minit ba 77.
Katba ha ka jingiakhun kaba lai ka Mawsiang FC Nongkhroh ka la jop ia ka Iong-I dahi FC da 4-3 kol. Ia ki kol na ka Mawsiang FC la theh da u Pyndapbiang Myrboh ha ka minit ba 5, u Desiders Pyrtuh ha ka mint ba 18 bad u Rio Myrboh ha ka minit ba 45 & 79. Na ka liang ka Iong-I dahi FC la theh da u Confirm Sana ha ka minit ba 55, u Stingbha Dkhar ha ka minit ba 67 bad u Denis Lyngdoh ha ka minit ba 75 min.