Ka Pateinki Sabah bad ka Luti Tuber Ialong kila jop mynta ka sngi 5 tarik u Nailar haka lympung ïalehkai phutbol bala tip kum ka “Independence Day Cup” Under-17 Football Tournament 2024 bala pynïaid da ka West Jaiñtia District Sports Association (WJDSA) Jowai ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka kynhun ïalehkai jong ka Pateinki Sabah kala pynliem da 5-1 kol ïaka Katholick Youth Mihmyntdu, ïa ki kol naka Pateinki Sabah la thep da u Mar oo Shylla lai kol haka minit ba 5, 21 & 60+2, u Helpmi Bang ha ka minit ba 43 bad u Wanmi Shylla haka minit ba 51. Ïa ka kol na ka Katholick Youth Mihmyntdu la thep da u Honesty Phawa haka minit ba 17.
Katba ha ka jingïakhun kaba ar ka kynhun ïalehkai jong ka Luti Tuber Ialong kala pynliem da 3-0 kol ïa ka Panaliar, ïa kitei ki kol na ka Luti Tuber Ialong la thep da u Shwaki Dhar haka minit ba 18 & 21 bad u Hawni Phawa haka minit ba 30.