Ka Phramer Cricket Club kala jop da 258 runs ïaka North East Adventist University Cricket Club haka lympung ïalehkai jong ka District Cricket League 2024 bala pynïaid da ka West Jaiñtia Hills District Cricket Association ha Madan Khliehtyrshi Mini Stadium kaba la long mynta ka sngi 23.04.2024.
Haba phai sha ka jingïakhun ïa ka Toss la jop daka Phramer kaba la jied ban bat nyngkong, kaba la kamai haduh 302 runs na ki 35 overs bad hap tang 6 wickets, kiba kamai runs khambun ki long u Sauni Nongtdu 90 runs na ki 77 balls bad u Nan 80 runs na ki 55 balls. Katba na ka liang ka NEAU kiba ïoh ban khur Wickets bun ki long u Rikku T Sangma 3 Wickets na ki 7 overs.
Haba wan ban beh ïa ka thong ka NEAU kala lah ban kamai tang 44 runs na ki 11.5 overs bad hap lut baroh ki Wickets. Kiba kamai runs khambun ki long u Waizer CH Sangma 16 runs na ki 22 balls, katba ki nongkawang bol na ka liang ka Phramer kiba ïoh ban khur Wickets bun ki long u Nan 3 Wickets na ki 2 overs bad u Monjurlang Suchiang 3 Wickets na ki 7 overs.
Ïa ka nam Man of the Match la ïoh da Nan jong ka Phramer Cricket Club.