Ka jingïalehkai phutbol 1st Division bala pynïaid da ka East Jaiñtia Hills District Football Association (EJHDFA) kaba la long mynta ka sngi ha madan Deinchynrum, Khliehriat EJHD.
Haba phai sha ka jingïakhun ba nyngkong ka kynhun ïalehkai jong ka R. Synrang Shahkhain SC kala pynliem da 6-2 kol ïa ka Rymbai Pohskur SC, ïa ki kol na ka R. Synrang Shahkhain SC la thep da u Iaishah Bareh haka minit ba 5 & 71, u Franki Dkhar haka minit ba 42, u Emon Nongtdu haka minit ba 43, u Ferdinand Nongtdu ha ka minit ba 85 bad u Shanki Dkhar haka minit ba 90+1.
Katba na ka liang ka Rymbai Pohskur SC la thep da u Chestar Nongtdu haka minit ba 19 bad u Soki Bareh haka minit ba 26.
Ha ka jingïakhun kaba ar ka kynhun ïalehkai jong ka Byndihati SC kala jop da 1-0 ïa ka Khliehriat West FC, ïa katei ka shikol na ka Byndihati SC la thep da u Enikijuh Shylla haka minit ba 31.
