Ka Red Mark FC kala jop da 4-2 kol ïaka Mukhla Wahchnong haka jingïakhun mynta ka sngi 14 tarik u Nailur haka lympung “8th Invitation Knock-out Football Tournament” bala pynïaid da ka Wahiajer Sport Cultural Club, West Jaiñtia Hills District ha madan Waiajer Multi Sports Complex.
Ha ka jingïakhun ïa kitei ki kol na ka Red Mark FC la ïoh ban thep da u Sngiwan pynsuk Kurbah haka minit ba 33 & 38, u Wansiedor Nengnong haka minint ba 40 bad u Angelus Biam haka minit ba 78. Katba ïaki kol ka Mukhla Wahchnong la ïoh ban thep da u Chandame Suna haka minit ba 53 bad u Riben Talang haka minit ba 80+1.
Ïa ka nam Man of the Match ha kane ka jingïakhun la ïoh khur da u player ka Red Mark FC u Wansiedor Nengnong.
La pyntip ka jingïakhun ba bud kan long haka 16/09/2024 hapdeng ka Friend United pyrshah ïa ka Monjurlang FC haka por 2 shiteng nohphai sngi.