Ka Riatsaliya Mihmyntdu, Nangbah Mooknor bad ka Myrjai kila long ki nongjop ha ka jingialehkai 3rd Division jong ka ‘2nd U Adelbert Laloo Memorial Trophy’ ba la pyniaid da ka West Jaiñtia District Sports Association (WJDSA) mynta ka sngi, ha Kiang Nangbah Stadium Jowai.
Ha ka jingiakhun ba nyngkong ka Riatsaliya Mihmyntdu ka la pynliem ia ka Lumkhangdong Kyndongtuber da 3-2 kol. Ki nongthep kol jong ka Riatsaliya ki kynthup ia u Heimon Dkhar uba la ioh ban thep ar kol kata ha ka minit kaba 51 bad 78, katba u Soki Dkhar ula ioh ban thep kol ha ka minit kaba 56. U nongthep kol jong ka Lumkhangdong u dei u Wanmi Chyrmang uba la ioh ban thep ia baroh ar tylli ki kol ha ka minit kaba 22 bad 60.
Ha ka jingïakhun ba ar ka Nangbah Mooknor kala pynliem ia ka Khliehshnong Ialong da 6-4 kol. Ki nongthep kol jong ka Nangbah Mooknor ki long u Poimi Thubru uba la ioh ban thep haduh 3 kol kata ha ka minit kaba 36, 40+1 bad 45, katba u Rilangki Sungoh ula ioh ban thep 2 kol kata ha ka minit kaba 60 bad 78, u Teilang Lamare ula ioh ban thep kol ha ka minit kaba 74.
Ki nongthep kol jong ka Khliehshnong Ialong ki long u Chimiki Pale uba la ioh ban thep 3 kol kata ha ka minit kaba 17, 31 bad 80 bad u Shimlut Dkhar ula ioh thep kol ha ka minit kaba 52. Katba ha ka jingiakhun kaba lai ka Myrjai kala pynliem ia ka Nangbah Khloopano da 3-0 kol. Ki nongthep kol ki long u Treilang Kyndait uba la ioh thep ar kol kata ha ka minit kaba 10 bad 65 bad u Teibha Phawa ula thep kol ha ka minit kaba 55.