Ka lympung ïalehkai phutbol jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun hadpeng ka Shangpung Moosyiem SC pyrshah ïa ka Chutwakhu SC, na ka liang ka kynhun ïalehkai jong ka Shangpung Moosyiem SC kala jop da 4-0 kol, ïa kitei ki kol la thep da u Rimino Papeng ha ka minit ba 16, u Keany Langbang ar kol ha ka minit ba 40 & 54 bad u Treimi Langbang ha ka minit ba 80.
Katba na ka liang ka Chutwakhu SC kala ïakhun katba lah ban pynphai kylla ïa kitei ki kol hynrei kam shem la lah satia ban thep wat tang shikol ruh hynrei haduh ban da kut ka jingïakhun kala neh da 4-0 kol.
Ka jingïalehkai lashai ka sngi 25 tarik kan long hadpeng ka Mukhla Raij SC pyrshah ïa ka Wahiajer SC ha ka por 2 baje shiteng nohphai sngi.
************************