Ka kynhun Khliehmyntdu Neinchnong Mihmyntdu vrs Pateinki-Sabah kiba dang ïashon dur lang
Ka lympung ïalehkai phutbol ba la tip kum ka 3rd U Adelbert Laloo Memorial Trophy jong ka kyrdan 3rd Division Football Tournament 2023, bala pynïaid da ka West Jaiñtia District Sports Association (WJDSA) Jowai mynta ka sngi ha madan Kiang Nangbah Stadium, Jowai.
Haba phai sha ka jingïakhun kaba nyngkong ka Sohmynting Dongneiñ kala pynliem da 1-0 kol ïa ka Umshangiar, ïa katei ka shikol na ka Sohmynting Dongneiñ la thep da u Wanmi Kyndait ha ka minit ba 46.
Ha ka jingïakhun kaba ar ka Khliehmyntdu Neinchnong Mihmyntdu kala pynliem da 2-1 kol ïa ka Pateinki Sabah. Ïa ki kol na ka Khliehmyntdu Neinchnong Mihmyntdu la thep da u Arkini Chyrmang ha ka minit ba 21 bad u Bandaia i Ryngki ha ka minit ba 54. Katba ïa ka shikol na ka Pateinki Sabah la thep da u Prayme Kyndait ha ka minit ba 11.
Ka jingïakhun kaba lai ha kane ka sngi ka Lumkhangdong Kyndong Tuber kala pynliem da 3-2 kol ïa ka Nangbah Mooknor, ïa ki lai kol na ka Lumkhangdong Kyndong Tuber la thep da u Damepaia Shylla ha ka minit ba 5 bad 37, u Fourki Chyrmang ha ka minit ba 28. Ïa ki ar kol na ka Nangbah Mooknor la thep da u Pynshngain Hinge ha ka minit ba 40 bad u Poimidanial Thubru ha ka minit ba 54.