Ka lympung ïalehkai jong ka kyrdan Super Division Football Tournament 2023 kaba la long mynta ka sngi ha madan Deinchynrum, EJHD bala pynïaid da ka East Jaiñtia Hills District Football Association (EJHDFA).
Haba phai sha ka jingïakhun kaba nyngkong na ka liang ka kynhun Thangskai Tiger SC kala pynliem da 1-0 kol ïa ka Moolamanoh SC, ïa katei ka shikol naka Thangskai Tiger SC la thep da u Ruki Syrti haka minit ba 61. Hynrei ka kynhun Moolamanoh SC kala pyrshang ban pynphai ïa katei ka kol hynrei kam lah shati haduh ba kut jong ka jingïakhun.
Ha ka jingïakhun kaba ar ka Khliehriat West YWSC kala pynliem da 2-1 kol ïa ka Dhana SC, ïa ki kol na ka Khliehriat West YWSC la thep da u Sandy Kassar haka minit ba 36 bad ka minit ba 82 lyngba ka Penalty. Katba na ka liang ka Dhana SC la thep da u Rimonlang Sumer haka minit ba 63 min
Ka jingïakhun ha ka 7.11.2023 kan long hapdeng ka R. Iawpynsing SC pyrshah ïa ka R. Wahshnong SC bad ka R. Shkenshynriah SC pyrshah ïa ka Sutnga SSCC.