[Photo UDP Twiter]
Ha ka jingniew ia ka risot elekshon jong ka 23-Sohiong Constituency mynta ka sngika u kyrtong jong ka UDP u bah Synshar Kupar Roy Lyngdoh, uba dei u pyrsa trai jong u bah HDR Lyngdoh ula long u nongjop ha kane ka jingiathep vote MLA na ka 23-Sohiong Constituency hadien ba kane ka Constituency kala hap ban sangeh ka jingthep vote namar ka jingkhlad ba kyndit jong u bah HDR Lyngdoh uba dei u kyrtong ba thmu ban ia ai reng ha kato ka por.
Ka jingjop jong u bah Synshar na ka Party UDP kala pynkiew ia ka jingdon ki MLA UDP na ka 11 sha ka 12 ngut hapoh ka ïing Dorbar Thawaiñ ka sorkar Jylla.
Ka jingioh vote jong ki kyrtong ka long kumne harum:-
Synshar Kupar Roy Lyngdoh – UDP – 16679 votes
Samlin Malngiang – NPP – 13257 votes
S. Osborne Kharjana – INC – 1762 votes
Stodingstar Thabah – ATC – 89 votes
Sandordor Ryntathiang – HSPDP – 62 votes
Seraph Eric Kharbuki – BJP- 40 votes
NOTA – 272 votes