Ka jingïalehkai phutbol jong ki khynnah skul ne ka ‘Inter School Subroto Cup Football Tournament- 2022’ bala pynïaid da ka ophis u District Sports Officer West Jaiñtia Hills District, Jowai kaba la long mynta ka sngi 10.6.2022 ha madan Kiang Nangbah Stadium, Jowai, la sakhi biang ia ka jingiakhun jong ki 6 games.
Ha ka jingïalehkai jong ka kyrdan Under-17 ki khynnah shynrang la wan ban ïakhun nyngkong da ka Ummulong Presbyterian H/S School kaba jop da 2-0 kol ïa ka Modymmai Secondary School, na ka liang ka Amlarem Secondary School kala jop 3-0 kol ïa ka Jowai Govt. U/P RMSA, ka Jowai Presbyterian H/S School kala jop da 4-1 kol ïa ka Q.C Springside H/S School.
Ka H.K Singh Memorial Secondary School kala jop da 3-0 kol ïa ka Jaiñtia H/S School, ka Ialong Secondary School kala jop 5-1 kol ïa ka Padu H/S School, katba ka Kiang Nangbah H/S School kala pynliem ïa ka Seiñraij H/S School da 2-0 kol.