Ka jingïalehkai phutbol jong ki kynthei bala pynïaid da ka East Jaiñtia Hills District Football Association kala ïaid shaid shaid shakhmat ïa kaba la tip kum ka Late. Mary Tlang Memorial trophy 2023 bad ïa kane ka lympung la pynlong ha madan plastic ka East Jaiñtia Distric Sports Association (Khliehriat).
Ha ka jingïalehkai ba nyngkong mynta ka sngi kaba la long hapdeng ka Dkhiah West SC pyrshah ïaka Deinchynrum SC, ka jingïalehkai kala shu kut haka jingïakhaid, namar baroh arliang kila ïa durïap ban ïoh ïa u namtam, hynrei ka jingkhlaiñ ki nongapdeiñ jong baroh ar liang, ka jingïaleh kala long tang hapdeng madan bad tad haduh ba kut jong ka jingïakhun kila ïasam mar shi point haka jingkheiñ point table.
Haba phai sha ka jingïalehkai ba ar hapdeng ka Wapung Combine SC pyrshah ïaka Iongkalooh SC, haka jingïakhun ka Wapung Combine SC kala jop ïa ka Ïongkalooh da 7-0 kol, ïa kitei ki kol la thep da ka Charlin Nongtdu (4 kol), ka Aida shisha Shadap (2 kol) bad ka Dawanrimika Rymbai (1 kol).