Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2024’ bala pynïaid da ka ophis jong u District Sports Officer West Jaiñtia Hills District, Jowai kaba la long mynta ka sngi 11 tarik u Jylliew ha madan Kiang Nangbah Stadium, Jowai.
Haba phai sha ka jingïakhun ba nyngkong mynta ka sngi ha ka kyrdan Under-17 (boys) ka Mihmyntdu R.C Eve Sec. School kala lah ban pynliem da 3-1 kol ïaka All Saint Diocesan Sec. School. Ka Kiang Nangbah Govt. H/S School kala pynliem da 1-0 kol ïaka Wahïajer Presbyterian H/S School.
Ka H.K Singh Memorial Sec, School kala lah ban pynliem da 3-1 kol ïa ka Riwar Jaiñtia C.O.G Sec. School. Ka St. Claret Sec School, Phramer kala jop lyngba ka jingïashut Tie Breaker da 4-3 kol ïaka Padu H/S School, Sahsniang.
Katba ka Kymprup Sec. School, Sahsniang kala pynliem da 4-1 kol ïa ka Syndai Sec. School.
La pyntip ba ka jingïakhun lashai ka sngi 12 tarik ha ka kyrdan U-17 Boys ki don ar tylli ki jingïakhun bad haka U-15 Boys kin don 3 tylli ki jingïakhun.
