Ka lympung ïalehkai phutbol jong ki khynnah skul kaba la tip kum ka ‘District Level Inter School Subroto Cup Football Tournament- 2023’, bala pynïaid da ka ophis u District Sports Officer (DSO) West Jaiñtia Hills District, Jowai kaba la long ha kane ka 23 tarik u Jylliew ha Kiang Nangbah Stadium, Dongmihsngi Jowai.
Ha kane ka sngi ka jingïakhun ha ka kyrdan Under-14 (Boys), ka Ialong Sec. School kala pynliem da 6-0 kol ïa ka Achiever’s Sec School. Ka David & Lois Rees Memorial School kala pynliem da 5-0 kol ïa ka Che’s Star Sec. School. Ka H.K Singh Memorial Sec School kala pynliem da 3-0 kol ïa ka Don Bosco Sec. School. Katba ka Moosachram U/P School Namdong kala pynliem da 4-0 kol ïa ka Jowai District Presbyterian Sec. School, Ialong.
Ha ka jingïakhun jong ka kyrdan Under-17 ka Sawlyngdoh H/S School kala pynliem da 7-0 kol ïa ka Dongiurim SSA, U/P & RMSA School. Katba ka Syiem Jingsuk Sec. School kala pynliem da 1-0 kol ïa ka Modern Sec. School, Ialong.