Ha ka jingiajied ia ka kam Waheh Shnong jong ka shnong Sohmynting, West Jaiñtia Hills kaba la long ha ka 30/09/2022 u Bravestar Phawa ula shah jied kum u Waheh Shnong ba thymmai kane ka shnong hadien ba ula pynliem ia u ma Lephing Pyrtuh.
Ka jingioh vote u ma Bravestar Phawa ka long 908 vote katba u Lephing Pyrtuh ba iakhun pyrshah u ioh 792 vote.
La iadonlang ha kane ka sngi thep vote da ki ophisar jong ka Jaiñtia Hills Autonomous District Council, u Dolloi ka Elaka Amwi lem bad ki nongiarap jong u.
Na ka liang u Bravestar Phawa u ai khublei ia baroh ki nongshong shnong ka Sohmynting naduh kiba kyrshan bad bym kyrshan ia u ruh ba kim dei ban don kano kano ka jingsngew iapher, hynrei ban iatreilang ryngkat bad u na ka bynta ka bha ka miat jong ka shnong ka thaw.