U ma Chanki Langbang ula jop ia ka kam jied Dolloi na ka bynta ka Elaka Shangpung ha ka jingianiew vote kaba la pynlong mynta ka sngi ha MDC, Hostel jong ka JHADC, Jowai, hadien ka jingpynbna da u Returning Officer ka JHADC ma Hatmin Lyngdoh Giri.
U ma Chanki Langbang uba la ioh vote 5506 ula lah ban pynliem ia ki ar ngut ki kyrtong kiba la ia ai reng lang ha kane ka jingiakhun ia katei ka shuki Dolloi jong ka Elaka Shangpung kiba kynthup ia u ma Daeiladmi Sungoh uba la ioh vote 2720 bad u Harising Papang uba la ioh voted 194.
Ka jingdon jong ki nongthep vote ha kane ka Elaka Shangpung ki don 10607. Kiba wan ban thep vote ki don 8640 kaba kot sha ka 81.46 % bad ki don 220 ki invalid vote.
Kumta u ma Chanki Langban un long noh u Dolloi ba pura jong ka Elaka Shangpung hadien ba ka EC jong ka JHADC kan sa aiti ia ka Sanad ha u ha kine ki khyndiat sngi ban wan.
