U Mallikarjun Kharge ula jop ia ka shuki President jong ka Indian National Congress Party hadien ba ula pynliem ia u Shashi Tharoor ha ka elekshon jied President ka Party kaba 6 (Hynriew) hapoh ki 137 snem ka rta jong ka Party Congress hapoh ka ri India.
U Chairman jong ka Congress Central Election Authority u Madhusudan Mistry ula pynbna mynta ka sngi ba ka jingwan thep vote ia kane ka shuki President ka Party baroh ka long 9,385 votes. Na kane u Mallikarjun Kharge ula ioh 7897 votes katba u Shashi Taroor ula ioh 1072 votes. Ki don ruh 416 tylli ki votes ki bym treikam (invalid).