Ka jingiajied ia ki nongmihkhmat Member of District council (MDC) 2025 sha ka KHADC kaba la long ha ka 21 tarik Rymphang 2025 la lah ban skhi ha ka result kaba la mih mynta ka sngi ka 24 tarik Rymphang 2025 hapoh ka 29 Mawshynrut Constituency.
Ka Hill State People’s Democratic Party (HSPDP) ka la ioh ban rah ia ka jingjop, ha kaba u kyrtong jong ka u bah Srally Rashir ula ioh haduh 13,880 vote, ka National People’s Party (NPP) lyngba u kyrtong Gardinal Sohshang ula ioh 10,778 vote, ka Voice of the People’s Party (VPP) u kyrtong Birbor Riangtem u la ioh 4913 vote, ka Indian National Congress (INC) u kyrtong Kodang Rashir ula ioh 2006 vote, ka United Democratic Party (UDP) bah Sranly Rongrin u la ioh 718 vote, u Kudam None of the Above candidate (NOTA) u ioh 170, ka Bharatiya Janata party (BJP) u kyrtong bah Roland Mawsor ula ioh 121 vote, u kyrong Independent (IND) bah Jomping Pangniang ula ioh 79 vote.
Baroh ka vote hapoh ka Mawshynrut Constituency ka poi haduh 32,665 vote. Bad baroh ki nongthep vote ha ka 21 tarik Rymphang 2025 ki poi haduh 32,665 ngut.
Kadei tang ka Mawshynrut kaba la ioh jingjop ba pura lane kaba la ioh seat na ka HSPDP ha baroh ka KHADC – JHADC election 2025.
Ki Nongkyrshan ba radbah ha kane ka constituency kidei ki jong ka HSPDP. Bud sa ki nongkyrshan ka NPP kaba wan ba-ar bad ka VPP ka wan ha ka ba lai.
Ka nongrim tynrai jong u (L) Ma Hoping Stone Lyngdoh bad ki Nongkyrshan ia ka HSPDP ki dang bun bad iaineh hi ha kane ka constituency.
