Katba dang mih ki sngi ka jingbret ñiut pathar haki bynta jong u surok Lulong College Road, Jowai bad ki bynta ba shadien jong ka Thomas Jones College, kala jur bha bad kane ka la wanrah ïaka jingjaboh bad ka jingsma iwtung ha ki bynta jong utei u surok ter ter bad kala pynsniew dur ïa katei ka jaka naka jingdon ki ñiut ba bun.
Kumba long mynta kiba bun na ki nongshong shnong kim kheiñ shuh ïa ka jingdonkam jong ka khuid ka suba, haduh kila hun ban leit bret ha kitei ki ñiut ha ki bynta jong u surok namar ba ka long ruh ka jaka kaba dang duna ki ïing briew.
Kane ka jingbteng ka jingbret pathar ïa ki ñuit kala wanrah jingma ruh ïaki wahduid kiba don hajan bad ha ka por slap kitei ki ñiut kiba don haki wahduid ki lah shah rong shaduh ki bynta ka Wah Myntdu, kala don ruh ka jingbret ñiut pathar ha ki bynta ba shadien jong ka Thomas Jones College.
Ka jingkylli kaba mih hangne ka long ba hato ki nongbret ïa kitei ki ñiut kim kheiñ shuh ïa ka jinglong khuid ka mariang bad ki hun ban pynkhuid na ki phyllaw ïing bad ki jaka shet jong ki bad hadien kila leit bret ïa kitei ki ñiut ba mih na ïing sha katei ka jaka?
