Hadien ba la mih ka khubor ba ki Company shalan umphniang bad nongniah kali kit umphniang hapoh ka seng Assam Petrolium Mazdor Union, Guwahati kin sangeh ban pynpoi umphniang shapoh ka Jylla Meghalya namar ka jingsheptieng ioh jia kano kano ka jingjia ba sngewsih ia ki.
Kane kala pynlong ïa ki trai kali ban ïabeh sha ki Petrol Pump ban ïoh umphniang naduh ka por 6 baje janmiet mynta ka sngi, ha kaba la don ka jingiaknieh umphniang kaba jur bha ha ki Petrol Pump kiba don ha Jowai, kaba la wanrah ruh ïa ka jingsahkut kali kaba jur ha ki thaiñ Ladthalaboh namar ka jingïeng laiñ ki kali ban ïoh thep umphniang.
Ki Petrol Pump kiba don ha Jowai kum ha Rymbai Petrol Pump, ha Bharat Petrolpump, New Hills bad ha Challam Syngkon Petrol Pump surok Jowai-Shillong. Kane ka jingiaknieh umphniang ka dang bteng haduh ba thoh ïa kane ka khubor.
