Ka Hynñiewtrep Integrated Territorial Organization (HITO), West Jaintia Hills District hapoh ka jingialam u President u samla Wanbiang Pulang ha ryngkat ka jingiadon lang ki nongialam ka HITO Khliehtyrshi Area kila hiar jurip ban kylli bniah halor ka jingpynkynriah ia katei ka Check Point na Mookyndur sha Khliehtyrshi khlem kano kano ka jingpyntip paidbah lane ka notification.
Kum ban shu pynkynmaw ka seng kala dep ban buh ia ka dorkhas naduh u snem 2021 ban pyrshah jur ia ka JHADC ban ai wai ia ki ar tylli ki Non Tribal Check point kawei ha East Jaintia bad kawei ha West Jaintia Hills halor ka nongrim ban talasi iaki kot ki sla jong ki bar jylla kiba wan ba kit ia kino kino ki mar hapoh u pud u sam jong ka rilum Jaiñtia hynrei kaba pynlyngoh ia ka seng pat ba ka JHADC ka ai wai ia kine ki check point sha ki riew shimet da kaba shim tang iaka bai wai iba rit ka ba khlem wan rah jingmyntoi iaka Council ei ei ruh em nalor ba ka JHADC ka don ha pdeng ka jinghiran pisa kaba jur naduh ba khang ia u dewiong.
Shuh shuh ka seng ka la dawa na ka JHADC ban ai jingshai halor kitei ki check point iaka jing iohmyntoi jong ka lyngba ka jingai wai ia ki sha ki riew shimet namar katkum ka jingiohi ka seng kan kham ioh jingmyntoi da kaba pyniaid hi ym da kaba ai wai sha ki riew shimet.