Kum ka jingpynkhreh ia ka jingwan poi jong ka President ka ri India ka Smt. Droupadi Murmu, mynta ka sngi na ka liang u Lat ka jylla u Shri. Phagu Chauhan dalade hi ula leit ban jurip ia ki tnat treikam bapher bapher jong ka Raj Bhavan, Shillong.
Kane ka jingjurip u Lat ka long ban pynthikna ba ka jingwan iuhkjat jong ka President ia kane ka jaka kan long kaba iaid beit iaid rynti bad kan ioh ban sahmiet da kaba suk ha kane ka jaka, ha ka jingwan iuhkjat jong ka ia ka nongbah Shillong ha ka 16 tarik mynta u bnai hadien ba ka la dep ban plie pyrda ia ka jingialehkai Meghalaya Games 2024 ha nongbah Tura ha ka 15/01/2024.
Na ka liang jong ki Ophisar bad ki nongtrei jong ka Raj Bhavan, Shillong kila trei shitom ban pynkhreh ia kane ka jingpdiang burom ia ka President ka ri ha kane ka jingwan iuhkjat jong ka ia ka Jylla Meghalaya.