U MLA jong ka 2-Jowai LA Constituency u ma Wailadmiki Shylla ula jurip hi dalade ia ka jingsdang pyntrei ia ka jingsiangrong ia ki surok ha nongbah Jowai. Na ka liang jong u ma Wailad ula dep ban iathuh ha ki por bala dep ba yn sa pynbha ia baroh ki surok kiba don ha nongbah Jowai bad ki shnong ba marjan.
Ia kane ka jingsiang rong bad pynbha ia ki surok la sdang naduh hynnin ka sngi ha kaba la sdang na ki bynta jong ka shnong Mooralong Jowai bad poi ter ter shaduh u surok Lulong – College Road. Ha kane ka jingsiang rong la pyndonkam da ki kor ki bor katkum ka juk ba mynta.
Ha kine ki sngi bala dep la ioh ban sakhi ba kala don ka jingsdang pyntrei da kaba pynbha shwa ia ki nala um jong ki rud surok ha kylleng ki bynta jong ka nongbah Jowai bad mynta pat kala dei sa ka por ban siangrong noh ia kine ki surok.
