Ka Synjuk ki Rangbah Kur ka Bri Hynniewtrep (SRKBH) ha ka 18 tarik Rymphang 2025 ka la pynbna sha ki paidbah ka Bri u Hynniewtrep ha shwa ba kin thep ia ki vote jong ki ha ka 21 tarik Rymphang 2025 ba kin jied da kaba pynshong nongrim bha.
Haba kren sha ki lad pathai khubor ha ka 18 tarik Rymphang 2025 ha Shillong Press Club, na ka liang u Bah Erwin K Sutnga Working President jong ka Synjuk Rangbah Kur ka Bri Hynniewtrep u la ong ka jingiohi ha kine ki sngi ba lah dep, na ka jingialap election ba lah don ka jingma ia ka jaitbynriew khamtam haba ia dei bad ka khein kur kheiñ kha. Kumta u la kyntu ia ki samla, ki rangbah ban saiñ dur pyrkhat bha ha shwa ban leit sha ki jaka thep vote bapher bapher, ban jied da ka jingsngewthuh bad ban don ka jingsngewthuh ba ka District Council ka dei ka stieh nongiada ia ka jaitbynriew bad ruh ha ka kheiñ kur kheiñ kha jong ka jait bynriew.
Kumta u la kyntu ia ki paidbah nongthep vote ba kim dei ban bakla halor katei ka bynta, khnang ban lait na ka jingbabe namar kum ka jaitbynriew ai jait kmie ioh ngi duh noh ia ka dur jong ka, lada ngi bakla ban jied ha katei ka sngi kata ha ka 21 tarik Rymphang 2025.