U Deputy Commissioner (Supply), ka East Jaiñtia Hills District, Khliehriat ha ka jing pyllait khubor u la pyntip sha baroh ki paidbah ka East Jaiñtia Hills District ba la pynbeit ban pynthymmai ia ka dor jong ka umphniang sharak (S.K. Oil) naduh u Naitung (July), 2023.
Ka dor die lang jong kane ka umphniang na Sonapur Oil Agency ka long 62.75 tyngka, bad ka dor die khutia na kane ka juh ka jaka kan long 65.65 tyngka.
Ka dor die khutia ha ki FPS Centre kaba jngai palat ia ka 5 Kms na Sonapur Oil Agency yn sa buh dor da ki Vigilance Committee. Kane ka hukum kan trei kam noh naduh ba la pynmih ia ka.