Ka seinkur Bahkhla Central Body ka kur wa kynthup ia ka kur Rymbai, Ryngkhlem, Kyndait, Sana, Lyngdoh (Rymbai), Ksoo, Toi, Najiar, Lato, Thma, Chynret, Kyndiah, Rymbui, Bang (Rymbai), Pdein (Sana) wa khaii, kan sa pynlong ia ka Dorbar Kur kaba Hynñiew kaba ju long shisien shisnem.
Ia kane ka Dorbar Kur yn pynlong ha ka 26 tarik mynta u bnai ha Wapung Shnong, East Jaiñtia Hills District ka ban sdang naduh ka por 10:30 AM. Ha kane ka sngi kan sa don ruh ka jingpynkup burom ia ki khun jong ka Kur kiba la pass bha ha ki kyrdan bapher bapher. Kumjuh ruh kan sa don ka jingkren sneng kren kraw na ki rangbah ka Kur. Kumta ki nongpyniaid kur ki khor sngewbha ia baroh ki para kur ba kin sngewbha ban wan sha katei ka Dorbar.