U Commissioner & Secretary, Meghalaya Legislative Assembly, Shillong u Dr. Andrew Simons, mynta ka sngi ula pynmih ar tylli ki jingpyntip paidbah, kawei ka dei ka jingkhot jong u Lat ka Jylla u Phagu Chauhan katkum ka bor bala bynshet ha u lyngba ka Riti synshar ka ri India, ban pynlong ia ka Dorbar Mang Tyngka jong ka Meghalaya Legislative Assembly ban long ha ka 16 tarik u Rymphang ha ka por 10:00 AM ha ka ïing Dorbar ba shipor kaba don ha Rilbong, Shillong.
Na ka liang u Commissioner & Secretary ula pyntip ruh ba kan sa don ka jingshong jingialang jong ka Business Advisory Committee ka ban sa long ha ka 2 tarik Rymphang 2024 ha ka por 4:30 PM ha ophis treikam u Speaker kaba ha Khyndailad, Shillong. Ki dkhot jong kane ka Committee ki kynthup ia u bah Prestone Tynsong, Myntri ba dei khmih ia ka Parliamentary Affairs, u bah Ronnie V. Lyngdoh, Leader of Opposition, u bah Charles Pyngrope, MLA bad u ma Lahkmen Rymbui, MLA, pynkut ka khubor.