U District Election Officer, West Jaintia District, Jowai ula pyntip ba ha kane ka General Election jong ka Meghalaya Legislative Assembly, 2023, ka Election Commission jong ka India ka la ai lad ia ki briew ba duna ha ki dkhot met (Person with Disability) ki nongthep vote kiba don jingduna kumba 40% disability shaneng bad ba la kdew ha ka Electoral Roll bad ki riew tymmen (Senior Citizen voters) kiba la palat 80 snem shaneng ka rta ban thep ia ka vote jong ki da ka Postal Ballot.
Kane ka lad ba la ai da ka Election Commission jong ka India ka long ban pynsuk ia kito ki PwD voters bad ki riew tymmen ki ba shem jingeh ban leit sha Polling Station ban thep vote na ka daw jong ka jingshitom bad kiwei kiwei.
Ki PwD voters bad ki Senior Citizen voters ki lah ban apply ia ka Postal Ballot lyngba ka Form 12D, ka ba yn sa wan sam ia kitei ki Form da ki BLO bad kino kino ki PwD bad Senior Citizen voter kiba kwah ban apply Postal Ballot, ki lah ban pynpoi biang ia kitei ki form sha U/Ka BLO hapoh 5 sngi ba la pynmih ka notification jong ka Election.
Ki PwD voter kiba kwah ban apply Postal Ballot ki dei ruh ban suhlang ia ki Certificate ba kila ioh katkum ka aiñ jong ka Rights of Persons with Disability Act, 2016. la ka sngi bad ka por ban wan ki Polling Officers na ka bynta ban thep vote yn sa pyntip sha kito baroh kiba la apply Postal ballot sha U/Ka Returning Officer jong ka Assembly Constituency.