U Deputy Commissioner, ka West Jaiñtia Hills District ha ka hukum ba la pynmih mynta ka sngi sha u Secretary ka Sarbajann Durga Puja Committee, Jowai la pyntip ba la shah ban rakhe ia ka sngi lehniam Durga Puja kata naduh ka 11 tarik u Risaw 2021 haduh ka 15 tarik Risaw 2021 ha phyllaw jong ka Shiv Mandir kaba don ha rum jong ka Jowai Police Station, Jowai.
Kumta ha kaba iadei bad kane u Deputy Commissioner u la bthah ia baroh ki briew kiba leit ha katei ka jinglehniam ki dei ban bud ryntih ia ka hukum jong ka Sorkar bad ha ka juh ka por la khang pyrshah ruh ia ki briew ban leit sha kiwei pat ki jaka lehniam puja.
