U myntri kam bar ri ka India u S. Jaishankar hynne ka sngi ka 23 tarik Jymmang u la ong ba ka India kam don jingshaniah eiei ia ki kam lehnoh bad kan nym ailad satia ia ki kam pyntriem nuclear hadien ka jingiakhun bad ki shipai ka Pakistan.
U Jaishankar u la kren ia kane ha ka por ba u kren ha ka jingialang hynne ka sngi bad u myntri kam bar ri ka Germany u Johann Wadephul.
Shuh shuh u la ong ba u wan sha Berlin ha ka por ba ka India ka la jubab ia ka jingshah thombor jong ki lehnoh ha Pahalgam. Ka India kam don jingshaniah ei ei ia ki kam lehnoh bad kan nym ailad da lei lei ruh ha ka jingthombor nuclear.
U la bynrap “Ym dei ban don ka jingkulmar ha kano kano ka bynta, ngi khein kor ruh ia ka jingsngewthuh jong ka Germany ba man la ka jaitbynriew ka don ka hok ban iada ialade na ki kam lehnoh”.
U myntri kam bar ri jong ka Germany, u Johann Wadephul, u la ong ba ka Berlin kan kyrshan ia kano kano ka jingiakhun pyrshah ia ki kam lehnoh bad bynrap ba ki kam lehnoh kim dei satia ban ioh jaka ha ka pyrthei.
