Ka myntri jong ka tnat Health and Family Welfare, ka Dr M Ampareen Lyngdoh mynta ka sngi (24.06.2024) ka la wan ban plie ia ka X-Ray Unit facility ha Smit Primary Health Centre, ha ka jingiadonlang i Dr Joram Beda Commissioner and secretary Health and Family welfare ryngkat i Dr F. V Kharshiing, Director jong Health Service (MI) lem bad kiwei de.
Ka kong Ampareen haba ai jingkren ka la ong ba ka wan hangne ym tang ban plie ia kane ka X-Ray Unit facility, hynrei ban peit ruh ia ka jingkiew ka rukom treikam hapoh kane ka jaka ai jingsumar ne ka PHC.
Ka la ong ruh ba dang shen haba ka la poi sha kane ka jaka kala ioh ia ka jingkyrpad na ki nongshong shnong ka Dorbar Shnong na ka bynta ban kyntiew kyrdan ia kane ka PHC sha ka CHC bad ka jaka kala don lypa bad sah sa tang ha ka jingpeit jingkhmih jong ki Engineer kiba dei ban pynkhreh pynkhrum ia ki jingdonkam.
Ka kong Ampareen ka la ong ruh ba dei ban don jingiadei ka ba jan hapdeng ki Officers bad ki nongsong shnong na ka bynta iohi ia ka jingiaid shakhmat jong kane ka kam.
Ka la ong ruh “Ngi kum ka sorkar ka kamram jong ngi ka long ban ai ka jingshakri kaba bha tam ia ki paidbah”, ha kaba ka la kyntu ruh ia ki Doctor ba dei khmih ia kane ka PHC ba kin iatreilang bad ka Dorbar Shnong na ka bynta ka jingiaid beit iaid ryntih jng kane ka PHC.
