U ma Moonlight Pariat kyrtong ka UDP hadien ba la dep ban thep kyrteng ha ophis u DC Jowai mynta ka sngi ula ioh ban pynpaw sha ki paidbah lyngba ki lad pathai khubor ba u don shibun ki jingangnud ban trei lada u poi sha ka thong.
Ki katto katne ki jingangnud jong u ma Moonlight ki long ban pynkhuid ia ka nongbah Jowai da kaba shna pynbha ia ka jaka theh ñiut kaba don ha Myngkjai ryngkat ka jingiapynbeit lang bad ki bor shnong jong kito ki thaiñ lem bad ka JHADC, ula ong ruh ba ia kine ki jakhlia yn sa pynkylla sha ka spah. U ma Moonlight u kwah ruh ban pynioh ki Card Rashon bad ki ïing sah ia ki longïing kiba duk, nalor ki lynti syngkieng bad bun kiwei kiwei de ki kam pynroi hapoh ka Constituency lada ki paidbah ki ai lad ia u ban poi sha ka thong.