Ka seng Hynniewtrep National Youth Front (HNYF) South West Khasi Hills District hapoh ka jingialam u Bah Shiningstar Wanniang President bad u Bah Shimborlin Langte ha ka 13 tarik u bnai Nailar 2025 ki la leit ban ïa kynduh ïa u Deputy Commissioner jong ka South West Khasi Hills District u Bah B.Mawlong ban kyrpad ban pynkynriah noh ïa ki shipai BSF kiba wan ban kyntur bad pynkylla ktem shipai ïa ka shnong 18 Mile kaba dei ka jaka kaba la jngai bad ka Bangladesh.
U Bah Shiningstar Wanniang hadien ba ka lah dep ban ïakynduh ïa u DC u ong ba ka jingbuh ktem shipai ki BSF hapoh 18 mile kam don jingmut eiei hynrei ka pynthut pynban ïa ka ïaid ka ïeng ki paidbah u la bynrap ruh ba ki BSF kum ha kine ki por ba jur ka jingwanrung tuh ki nong Bangladesh sha India ha ka jingshisha kidei ban don ha ki jaka khappud marjan bad ka Bangladesh na ka bynta ban teh la kam bad ban peit peitngor ïa ka jingioh rung lait lan ki nong Bangladesh.
Ka seng ha kawei ka liang, ka la pynpaw ïa ka jingswngew kmen hadien ba u bah B. Mawlong u la kular ba un sa shimkhia ia kane ka kam bad un sa khot ïa kren ïa ki BSF bad ki Pulit.
