Ka JYF Bataw Unit hynnin ka sngi kala leit ban buh jingthoh sha ka ophis jong u DM&HO, East Jaintia Hills District na ka bynta ban dawa pyndap sa kawei ka post Doctor bad kawei ka post Pharmacist na ka bynta ka jingbit jingbiang jong ka PHC kaba don ha ka shnong Bataw.
Katkum ka jingthoh bala phah sha u DM&HO, East Jaintia na ka liang ka Seng ka pynpaw ba kitei ki post bala kdew haneng ki dang lait thylli haduh mynta mynne. Ia kane ka JYF Bataw Unit ka la lap hadien ka jingleit jurip ia katei ka PHC ha kane ka 13 tarik mynta u bnai.
Ha ka jingjurip jong ka seng ka lap ba kumba long haduh mynta kane ka jaka sumar ka dang don tang kawei ka Doctor bad kawei ka Pharmacist. Kane ka jingduna nongtrei kala pyndkhoh shi katdei eh ia ka jingtreikam kane ka PHC bad ka ktah jur ia ki nongshong shnong ka thaiñ kiba shaniah ban ioh jingsumar na kane ka jaka sumar jong ka sorkar.
Kumta ka JYF Bataw Unit ka buh ka jingkyrpad kaba jur ia u DM&HO ba dei peit ia kane ka PHC ba un sngewbha ban shimkhia bad ban iarap kloi kloi ban pynioh Doctor bad Pharmacist hapoh Bataw PHC khnang ba kan long ka jingmyntoi kaba khraw ia ki nongshong shnong bad ruh ban pyllait ia ki nongshong shnong na ki jingjia ba sngewsih.