Ka Society for Urban & Rural Empowerment (SURE), hapoh ka project “Link Worker Scheme” kaba kyrshan da ka Meghalaya AIDS Control Society (MACS) ryngkat bad ka jingiasnoh kti lang bad ka Thomas Jones Synod College, Jowai kan sa pynlong ia ka iakop jingrwai tynrai/phawar ka phang kan dei na ka bynta u HIV/AIDS.
Ia kane ka jingkop jingrwai tynrai/phawar, ka ophis kan pynlong ia ka ha ka 9 tarik u Lber (March) 2024 ha Thomas Jones Synod College (hall) ha ka por 9:30 por step.
Ka jingthmu jong kane ka phawar kan long “ban pynsaphriang lane ai jingtip bad jingsngewthuh ha kaba ia dei bad u khniang HIV/AIDS. Ha kajuh ka por ban ai jingtip shaphang ka rukom iada lane sumar ia ka jingpang na une u khniang”.
Ban hikai ia ki nongshong shnong ba kin ym kyntait, i beiñ ne leh beiñ ia ki briew kiba ioh ia kane ka jingpang.
Ka khusman jong kane ka jingiakop jingrwai tynrai ka long:
- 15,000/- (1st prize)
- 8000/- (2nd prize)
- 5000/- (3rd prize)