U Deputy Commissioner ka East Jaintia Hills u S. Awasthi, IAS haba iakren bad ki lad pathai khubor u la pyntip ba katkum ka jingiohlum jingtip ki don kumba 50 haduh 100 ngut ki briew kiba kyrni ha u Droks.
U la bynrap ki bor pyniaid District ki trei shitom ban iarap ia ki khynnah ban lait na u droks ki ialeh ban shna ia ki madan ialehkai ha man la ki shnong, ki pyrshang ban iakren bad ki nongtrei mon sngewbha bad ki shnong ban wanrah ia ki khynnah ban ialehkai ban lait na u droks namar ka jingialehkai ka dei kawei ka lad kaba lah ban tehlakam na u droks.
Shuh shuh u la ong haba iadei bad ki khynnah kiba la ngop ha u droks kaba kongsan ka dei ka jaka sumar ban sumar ia kito kiba ngat ha ka jingdih droks. Ki hap ia syllok bad ki shnong ki nongialam niam ban ai training bapher bapher ia ki khynnah ban lait na u droks.
U la bynrap ki bor pyniaid District ki kloi ban iatreilang bad ki shnong, ki nongialam niam ki nongtrei mon sngewbha na ka bynta ban tehlakam ia u droks bad ki kyrpad ia ka sorkar ba kan buh ka jaka sumar na ka bynta kito kiba kyrni ha u droks.