Ka shillong College mynta ka sngi ka 7 tarik Nailur 2024 ka la sam syrnod ia ki khynnah pule kiba la pyndep ha ki jingpule bapher bapher.
Ha kane ka sngi sam syrnod la wan ban long kongsan da u Gavin Mylliemngap MLA Sohra, u M Kharkrang, Retired IPS kum u Sumbud kongsan, i Deputy Commissioner East Khasi Hills, Kong RM Kurbah, Principal jong ka Shillong College, Dr Mrs E Kharkongor ki Nonghikai bad ki khynnah pule jong ka college.
Haba ai jingkren ha kane ka sngi sam syrnod u Bah Gavin Mylliemngap u la ong ba u aisa khublei ia i Principal jong ka college iba la khot ia u ban long kum u kongsan bad u la ong ba kane ka sngi pynkup burom ban ai syrnod ia ki khynnah ba pyndep ha ki jingpule bapher bapher ka dei ka ruh ka sien ba nyngkong duh ban sam syrnod ban pynkup burom ia ki khynnah kane ka college naduh ba seng ia kane ka college, ym lah ban poi shakhmat khlem ka jingtrei shitom jong ki nongpyniaid barim bad ki ba mynta.
U ai khublei ruh ia ka Shillong College ba ka la ioh pdiang ha ka kyrdan A+ na ka NAACNAAC ia baroh kiba la trei shitom ban pynlong ia ka college ban ioh pdiang ha kane ka kyrdan.
Shuh shuh u ai khublei kyrpang ia ki khynnah pule kane ka college kiba la pyndep ia ka Graduation bad ki dei ki batch ba nyngkong ban shah pynkupburom ha ki jingpule bad u ai khublei kyrpang ia ki kynnah ba wan shakhmat ha ka jingpyndep ia ka Degree, bad u pyntip ruh ba kane kan dei ka sien ba nyngkong ba kin sah kynnmaw ha ka jingim jong ki kum ki khynnah.
Khatduh khatwai u ai khublei ia baroh ki khynnah pule kiba ioh syrnod bad kiba la pass ha ki jingpule, bad u la ong “Ka jingim ka dei ka lynti iaid ba ngi hap ban iaid shakhmat wat lada shibun ki diengpynkiang bad ki jingeh ki wan ngi dei ban iaid shakhmat ha ka jingim khnang ban wanrah ia u soh ka jingjop”.
