Ka jingkhot sha ka jingpynkyntang Lyngdoh Sohblei ia 3 ngut ki Deacon

Ka Good Shepherd Parish Ladrymbai, ka khot ka wer ia baroh, sha ka jingpynkyntang Lyngdoh Sohblei ia i Dn. Shemphang Dkhar SDB, Dn. Ricky Dkhar CMF bad i Dn. Shiningstar Dkhar SDB, ka ban sa long ha ka 17th Nohprah 2023, ha Madan Parish Ladrymbai, ha ka por 10:00 baje mynstep.

U Most Rev. Ferdinand Dkhar, Bishop ka Jylla Niam Jowai un long u kongsan ha ka riti pynkyntang Lyngdoh Sohblei ha katei ka sngi, ryngkat ka jingiasynran lang ki Lyngdoh Sohblei jong ka Diocese Jowai.

Kum ban pynkynmaw, i Dn. Shemphang Dkhar SDB bad i Dn. Shiningstar Dkhar SDB, ki dei na ka Balang Shnong Iongkaluh, katba i Dn. Ricky Dkhar i dei na ka Balang Shnong Moolamanoh.

Ka Jingpynbeit na ka bynta ka Parking ia ki kali ba wan na ka bynta ka Mass Pynkyntang Lyngdoh ka long kumne:

1. Ia kiba wan na Parish Umkiang, Lumshnong, Khliehriat, Sutnga, Jalaphet, Lad-Lakadong bad ki Balang Shnong jong ka Parish Ladrymbai kiba wan narum, kin buh ia ki Kali jong ki kumne harum:
   ➢ PARKING 1: Ha Madan jong u Ma Dinush Siangshai. (Hap rung na ka lynti shuwa ban poi Fire Brigade, Ladrymbai)
   ➢ PARKING 2: Ha u lum i kong Joblymon Dkhar (lynti shuwa ban poi Fire Brigade)
   ➢ PARKING 3: Ha khmat Friend’s Hotel (Dosti Hotel), Hill View Hotel, Green Valley Hotel.
   ➢ PARKING 4: Hapoh compound Petrol Pump (marpyrshah Dosti Hotel).
   ➢ PARKING 5: Ha madan ba don marpyrshah ka lad ban kiew sha Parish Ladrymbai.
2. Ia kiba wan na Parish Sahsniang, Mowkyndeng, Barato, Namdong, Mynsngat, Ummulong, Iongshiwiat, Amlarem, Jowai, Nangbah, Mooksiang, baroh kiba ia wan na Shillong Archdiocese, Nongstoin Diocese bad ki Balang shnong jong ka Parish Ladrymbai kiba wan na surok Jowai kin buh ia ki kali jong ki kumne harum:
   ➢ PARKING 6: Ha Madan Kharkhana ot-dieng barim shuwa ban poi ka lad ban
   kiew sha Parish Ladrymbai.
   ➢ PARKING 7: Ha madan marpyrshah ka Coke Factory, lyngba ka lad bah ka kiew sha ka Shnong Jalyiah.
   ➢ PARKING 8: Ha compound Petrol Pump Lad-Jalyiah.
   Ha baroh ki jaka buh kali, kin don ki Volunteer ban pyni lynti. Kumta, la kyrpad ia baroh ki
   kali ba wan jingiaseng ban teh da ki lama ronglieh ban pynsuk ia ki Volunteer ban pyniaid ia
   ki kali.
   Kane ka long katkum ka jingpyllait khubor na u Fr. Ebormitre H. Lamare, Media In-charge Jowai Diocese.