U Deputy Chief Minister ka Sorkar jylla u Ma Sniawbhalang Dhar haba kren sha ki lad pathai khubor hynne ka sngi ka 11 tarik Jymmang 2025 u la ong ba ym don kano kano ka jingpyrshah ia kino kino ki Political Party ne ia ka Seng HNLC kaba dei ka seng kaba la shah khang beaiñ.
U la bynrap “Ngam don bynta ei ei ban bei tyngka ia ka HNLC bad kane ka jingkynnoh ka long ka bym dei bad ka bym don nongrim” pynpaw u Ma Sniawbhalang Dhar.
U la ong kane “Ka jingkynnoh ka dei tang ka jingkwah ban pynthoh bria bad kat nang pynthohbria kat nang kynthoh katta ngan dang trei bha ban shakri ia ki paidbah jong nga bad kumjuh ia ka jylla hi baroh kawei”.
Shuh shuh u la ong haba iadei bad ka jingdawa jong ki seng liang pyrshah ban dawa hiar shuki na ka liang u Ma Sniawbhalang Dhar u la pynpaw dei ban don ki sakhi ba biang.
U la ong ba nga wan ban shakri ia ki paidbah, ngam dei ba shakri ia ki lehnoh bad ngan trei shitom ban shakri ia ki paidbah ban wanrah bad kyntiew ia ka ioh ka kot bad ka roi ka par ha ka jylla na ka bynta ki paidbah.