Ka Synjuk Waheh Chnong Jowai, ha ka jingialang kaba dang shu dep, ka la rai ban pyntip lyngba kane ka khubor ha ka jingiadei bad ka jingktah ka Online Housie ha ka por ba pynlong Fete ki Dorbar Shnong hapoh ka sor Jowai. Ka Synjuk Waheh Shnong Jowai, kam shym la ong ba ka pyrshah ia kino kino ki jingtrei ne ka kamai kajih jong kino kino hapoh ka shnong ka thaw.
Hynrei ka buh ka jingkyrpad ban iatreilang da kaba ki ba pynlong ia ka “Online Housie” kin sngewbha ban iatreilang bad ki Dorbar Chnong da kaba pynpher por ne pynsangeh ia ka jingialehkai jong ki, ha ki sngi pynlong Fete hapoh ka nongbah Jowai.
Namar katkum ka jinglap jong ki Dorbar Shnong, ha ka por ba don ka Online Housie, lada don ki Housie Fete, la iohi ba ka ktah shisha, namar ba kiba bun ki iabeh ia katei ka online Housie na ka daw ba ka dor ka kham tad bad kaba pynsuk ban ialehkai namar ki lah ban ialeh na la ki ïing ki sem jong ki. Kane ka long tang ka jingkyrpad na ka bynta ki Dorbar Shnong, khlem da kdew ia kiwei pat ki seng ne ki riew shimet kiba pynlong Fete. Kumta na ka liang ka Synjuk Waheh Shnong ka kyntu ia baroh ban iatreilang bad ka Synjuk na ka bynta ka bha ka miat baroh lang.
KINE HARUM KI DEI KI TARIK PYNLONG FETE KI DORBAR SHNONG HA NONGBAH JOWAI
- Mynthong. 04 Oct 2024 2.
- Tpep Pale. 10 & 11 Oct. 2024
- Chutwakhu. 17 & 18 Oct 2024
- Lion Mission Compd. 24 & 25 Oct 2024
- Khim-u-sniang. 31 Oct & 1 Nov 2024
- Ladthadlaboh. 7 & 8 Nov 2024
- Dongmihsngi. 3 & 4 Dec 2024
- Loomsooyung Newhill. 5 Dec. 2024
- Chiliangraij. 6 & 7 Dec 2024
- Moosalyngkat. 11 & 12 Dec 2024
- Panaliar. 13 & 14 Dec 2024
- Loompyrdi Iongpiah. 20 & 21 Dec 2024
- Loomiongkjam. 26, 27 & 28 Dec 2024
- Dulong. 13, 14 & 15 March 2025