U Symbud Myntri Rangbah ka jylla uba dei peit ia ka tnat kam pohïing, u Bah Prestone Tynsong haba kren bad ki nongthoh khubor mynta ka sngi ula iathuh ba ka sorkar India ka khmih lynti ban pyniasoh ia ka jylla Meghalaya lyngba ka lynti rel.
U la ong ba kane kam dei na ka bynta ka jingmyntoi shimet jong ka sorkar hynrei kan dei ka jingmyntoi ia ki paidbah ka jylla bad ha ka ba ia dei bad kane u myntri rangbah ka jylla, U Conrad Sangma dang ha kine ki khyndiat sngi u la lum ia ka committee ha kaba ki seng saiñ pyrthei baroh kin sa shong pyrkhat bad hadien kane ka jingialang ka ban sa khot pynlong da u myntri rangbah ka Jylla ban shim rai kumno ban iaid shakhmat.
U Bah Prestone u la pynpaw ruh ba na ka liang jong u shimet u sngew ba ka jylla ka donkam ia ka lynti rel bad haba mut ban ong ba donkam ia ka lynti rel kamut ba ka donkam ban lah ban kit ia baroh hapoh ka rel, hynrei ym ban shu ong tang ba ngi donkam hynrei ka hap ban urlong.