Ka jingpyllai khubor na ka ophis treikam ka Guwahati Regional Passport Office, Ministry of External Affairs kala pyntip sha baroh ki nongaplai ia ki Passport Seva Kendras (PSKs) bad ki Passport Laghu Kendras (PSLKs) kiba hap hapoh ka jingkhmih jong ka Regional Passport Office, Guwahati ba yn sa buh sngi ia ki ha ka 3/12/2022. Ki nongaplai Passport ki ba la pyndap lypa ki lah ban pynthymmai ne pynkylla ia ka appointment jong ki sha ka 3/12/2022 ong ka kyrwoh.
La don kino kino kiba kwah ban buh ia ka jingkynduh kaba thymmai ki dei bad aplai da kaba phah shwa ia ki phom da ka online ha ka https://www.passportindia.gov.in/ bad siew ruh pisa daka online. Hadien ba la dep siew dei ban peit biang ia ka website ban pynthikna ia ka jingsiew pisa bad ruh ka por ia kynduh. La pyntip ba tang shisien lah ban leh ia kane ka jingpynkylla por. Ban ioh ia ka Passport hapoh ka skhim Tatkal ki nongaplai ki ba 18 snem shaneng ki dei ban pynioh ia ki lai tylli ki kot jingdonkam kumba la kdew ha ka website https://www.passportindia.gov.in/AppOnlineProject/popuponline/AttachmentAdvisorSub?subDocID=7003&minorFlag=1; katba ki nongaplai kiba dang hapoh ka rta ba 18 snem ki dei ban pynioh tang ar tylli ki kot jingdonkam kumba la kdew ha ka website https://www.passportindia.gov.in/AppOnlineProject/popuponline/AttachmentAdvisorSub?subDocID=7003&minorFlag=5.