Ka Seiñraij Jowai lyngba une u tyngshop khubor ka kwah ban ai ïa ka jingkhublei ba kyrpang ïa baroh kiba ïa don bynta lem ha ka ban pynlong ïa ka jingpyndep ïa ka leh niam Behdieṅkhlam 2022 kaba jop bad kaba phuh ba phieng.
Ka Seng ka phah ïa u kyrwoh sngewnguh ba kyrpang ïa u Arjun Ram Meghwal uba dei u Myntri khynnah ba dei peit ïa ka tnad Kolshor ka Sorkar kmie ryngkat bad ka kynhun jong u kiba la wan sakhi ïa ka jingrakhie ïa ka Behdieñkhlam.
Ka jingai khublei ba kyrpang jong ngi ka leit ruh sha U Satya Pal Malik uba long u Governor ba don burom jong ka jylla bad kumjuh ruh ïa u Conrad K. Sangma, uba dei u Myntri Rangbah jong ka sorkar jylla na ka bynta ki kyntien kitbok kit rwinag jong ki.
Ka jingsngewnguh ba kyrpang jong ngi ka leit ruh sha U Sanjib Banerjee, uba dei u Chief Justice jong ka ïing bishar High Court of Meghalaya ïa ka jingdon ryngkat lem ka jong u ha ka sngi pynkut ïa ka Behdieñkhlam. Khlem da klet ïa u Metbah Lyngdoh uba dei u Shongknor ba dondurom jong ka ïing dorbar thaw aiñ jong ka Jylla kumjuh ruh ïa U Sanbor Shullai, Myntri ka tnad Kolshor bad U Kyrmen Shylla, myntri ka tnad Social Welfare jong ka jylla na ka bynta ka jingïadonlang.
Ka jingsngewnguh ba kyrpang ka leit ruh sha ka kong R.V Suchiang, IAS Chief Secretary ka sorkar jylla bad ïa U Dr. Lajja Ram Bishnoi, IPS, Director General of Police, Meghalaya na ka bynta ka jingïadon lang bad ai mynsien ka jong ki. Khlem da klet ruh ïa ki tnad treikam sorkar kum ka Arts & Culture Departments, Planning Departments, Tourism Department bad North Eastern Council kiba da ai ïa ki lad jingïarap bad kyrshan radbah ha ka ban lah ban pyndep shitrhemïa ka lehñiam Behdieñkhlam.
Kumjuh ruh ka SRJ ka ai khublei halor ka jingtrei shitom jong U Deputy Commissioner, West Jaiñtia Hills District bad U Superintendent of Police, West Jaiñtia Hills District ha ka ban pynlong ïa ka jingrakhie ïa ka lehniam Behdieñkhlam kaba phuh ba phieng bad ba jop. Kyrpang ruh ïa ka Jowai Municipal Board, PHE Department, PWD Department, MeECL bad kiwei ki tnad treikam sorkar kiba trei borbah ha ka ban pynbiang ïa ki jingdonkam haka ba ïadei bad ka jingpyndep ïa ka leh niam Behdieñkhlam kaba jop bad ba shongkun.
Ka Jingsngewnguh ka leit ruh sha lad pathai khubor kiba ïarap ban pynsapriang ïa ka Behdieñkhlam mynta ka snem. Khatduh ïawai, ka Seinraij Jowai ka ai ruh ïa ka jingsngewnguh ba kyrpang ïa ki saw Lyngdoh jong ka Elaka Jowai, ka Seng Khasi Seng Kmie kiwei kiwei ki tnad Seiñraij kumjuh ruh ïa baroh ki Dorbar Shnong kiba ïa don bynta ryngkat ryngkat ha ka ban pyndep bad pynlong ïa ka lehniam Behdieṅkhlam 2022 kaba ïaid beit ïaid ryntih bad ba phuh ba phieng ha baroh ki liang.
Khlem da lah ban klet ïa ki paralok nongjngoh kai pyrthei ba wan na kylleng satlak ka pyrthei bad na ka ri ruh kumjuh kiba ïa donbynta lang lem bad ngi bad ban sakhi ruh da laki jong ki khmat ïa ka Behdieñkhlam 2022. To ai ba ka Behdieṅkhlam 2022 kan wanrah ïa ka jingshong suk, ka jinglong kawei bad ka roi ka par ïa baroh lang ha baroh ki liang. Pynkut ka kyrwoh ba la phah da ka Seiñ Raij.