(File Photo)
U Working President jong ka KHNAM u Bah Thomas Passah u la takraiñ tyngeh ia ka Sorkar halor ka jingjia ha Mynsngat Thangsko, East Jaintia Hills ha kaba ka la don ka jingjia pynbthei bom Dynamite ha kawei na ki krem dewïong beaiñ kaba don ha Mynsngat Thangsko bad ka la don ka jingkhlad noh jong ki nongtrei bylla ha katei ka krem dewïong kaba la poi sha ka 25 ngut bad 8 ngut kiba mynsaw.
U Bah Thomas Passah lyngba ka kyrwoh u la ong kane ka dei ka jingiada ka sorkar ia ka jingtih dewïong beain bad kaba lyngngoh ka long ba ka sorkar kam tip shaphang ka jingtih dewïong beaiñ bad ka jingshalan beaiñ da ki truck kiba iaid na ki surok nakhmat ki Police Outpost lane ki check Gate.
Nalor kata u la pyntip halor kane ka jingjia ha Mynsngat Thangsko ka Sorkar ka la thaw da ka Komiti hynrei ka jingsheptieng ka long ba kane ka jingthaw ia ka komiti ka long pynban tang ban shu pynklet ia u Paidbah bad kan shu jah la ka jah hi tad haduh da don biang ka jingmynsaw.
