Katkum ka kaiphod sorkar bala phah na ka ophis treikam jong ka Deputy Commissioner ka East Khasi Hills District la pyntip ba kala don shibun ki jingpynjulor jong u lapbah lapsan ha ki ba bun ki bynta jong ka District.
Kawei na kine ki jingjia ka dei ka jingtwa khyndew ha ka shnong Laitlarem kaba hap hapoh ka Mawphlang C&RD kaba la wanrah ia ka jingduhnoh jong ki 4 ngut ki mynsiem briew na ka juh ka long ïing bad mynsaw 2 ngut.
Kane ka jingjia kala jia ha ka por 10 baje mynstep jong ka 16 tarik, ha kaba na ka liang ki bor District kiba kynthup ia u DBO, ki kynhun na ka PWD, na ka Medical bad na ki Police kila leit hiar wut wut sha katei ka jaka, hadien ba kila ioh jingtip ia kane ha ka por kumba 1:00 PM. Haba ki bor sorkar kila poi ha katei ka jaka kila lap ba ki don haduh lait ngut ki met iap kila thiah lyngktar ha katei ka jaka kiba dei na ka juh ka long ïing, katba iwei ila mynsaw jur bad la pynkit sha jaka sumar. Hynrei sngewsih ban tip ba ine ruh ila khlad noh ha shiteng lynti ban poi sha ka jaka sumar.
Kine kiba khlad ki kynthup ia Wallambang Kharmyndai 9 snem, u Banlumlang Kharmyndai 6 snem, ka Ribhalin Kharmyndai 4 snem bad ka Daphilabanri Kharmyndai 8 snem ka rta.
Katba kiba mynsaw ki long u bah Nikstanlang Jyrwa 36 snem uba dei u kpa bad u Banteilang Kharmyndai 12 snem bad mynta ki dang don hapdeng ka jingshah sumar ha Mawphlang CHC.
Ha kaba iadei bad ki lynti syngkieng pat ki don katto katne kiba la hap ban khang ïaid shipor bad ki don ruh kiba shah ban ïaid ryngkat ka jingphikir, na ka daw jong ka jingtwa khyndew. Na ka liang ka tnad PWD ka dang ialeh katba lah ban pynkhuid ia ka khyndew bad ki maw khnang ba kan ym don kano kano ka jingdkhoh ha ka leit ka wan ki paidbah.
Kine harum ki long katto katne ki surok bala shah ktah ha ka jingtwa khyndew:
