Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai ha u khniang jingpang COVID-19 (positive) ha ka jylla baroh kawei ki don 4 ngut – 2 ngut na East Khasi Hills bad 2 ngut na West Garo Hills, kiba la koit na ka jingpang la don tang iwei na West Khasi Hills bad ym don ba khlad mynta ka sngi.
Haba lum jingkheiñ ia baroh kiba la ngat ha kane ka jingpang ki don 93,774, kiba la koit na kane ka jingpang ki don 92,166 ngut. Kiba dang long Positive haduh mynta ki don 23 ngut bad kiba khlad baroh naduh ba sdang haduh mynta ki long hi 1593 ngut.