Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai (COVID-19 positive) ha ka jylla baroh kawei ki don 25 ngut, kiba la koit na ka jingpang ki don 59 ngut, iwei iba khlad na kane ka jingshitom, na East Khasi Hills.
Haba lum jingkheiñ ia baroh ki test ba la pynthikna Positive naduh ba sdang haduh mynta ki don 93,019 ngut, kiba la koit na kane ka jingpang ki dong 90,737 ngut. Kiba dang long Positive haduh mynta ki don 716 ngut bad kiba khlad baroh naduh ba sdang ki long 1563 ngut.
Na Ri Lum Jaintia: Na East Jaintia Hills don 2 ngut ba ioh pang thymmai, 3 ngut ki ba dang koit bad ym don ba khlad mynta ka sngi. Na West Jaintia Hills ki don 2 ngut kiba ngat thymmai, ym don ki ba koit bad ym don ruh ba khlad mynta ka sngi.
Katkum kane ka kaiphot ka paw ba mynta ka sngi hapoh ka jylla kiba bun eh kiba ngat thymmai ha une u khniang jingpang Covid-19 ka dei ka East Khasi Hills ka ba don 13 ngut bud sa ka Ri Bhoi District bad West Garo Hills mar 3 ngut.